بالليل...

بالليل
بالليل فى عتمة
شوارعها ضلمة
خلايقها نايمة
فى قلوبها كاتمة
ميت الف كلمة
مش قادرة تلقى لبرة سبيل
....
بالليل
بالليل قهاوى
لشعب غاوى
يقول حكاوى
يسمع غناوى
تجرح تداوى
و كتير يقول الصبر جميل
....
بالليل
بالليل بنسهر
و كتير نفكر
يا ريتنا نصغر
و يا ريت ما نكبر
عشان ما نقدر
ننسى همومنا لوقت طويل
....
بالليل
بالليل نهاتى
سيكا و بياتى
بكلام يوماتى
و انين ناياتى
يخرق فى ذاتى
و لا لينا غير الحلم بديل
....
بالليل